/149/ esse quoad potentiam et actionem. Eadem
namque potentia eodemque actu contingentia
cognoscit Deus et necessaria, non
tamen quoad eandem cognoscendi rationem.
Hanc enim si in Deo unam eandemque
esse concederemus, idem et necessarium
et contingens dicere necessario cogeremur,
quippe, ex communi Theologorum
et ipsius Augustini sententia, scientia
Dei causat res. Quare asserimus de futuris
ac praesentibus unam eandemque re ipsa
inesse in Deo cognitionem, diversam tamen
cognitionis esse rationem, quemadmodum
intellectus et voluntas in Deo sunt unum
et idem, alia tamen ratio intellectus est, alia
voluntatis, quippe per illum Verbum, per
hanc vero Spiritus Sanctus producitur.
EXERCITATIO XXVI
Epicureorum declarat opinionem
et rationem.
Egimus de providentia Dei adversus
Atheos, qui omnem penitus sustulerunt
divinitatem. Nunc adversus Epicureos
disputandum nobis est, qui, cum Deum esse
admiserint, illius providentiam circa haec
inferiora negarunt.